شوربات شفائية

البوم جبت ليكم شوربات مفيدة للجسم لإيماني بأن كل علاج يستلزم أكلا صحيا فشفاؤك من صحنك  شوفو الناس القدام علاش ماكانتش أمراض بزاف كيف اللي كانسمعو اليوم لاحقاش كان أكلهم طبيعي وماشي سريع كيف هدا العصر

شوربة للامساك

ربع كرنب+شوية المعدنوس+8شريحات+ملعقة زنجلان+ زعتر مطحون+ ملعقة ورد بلدي+ملعقة قزبور حبوب+شوية الملح نطيبو الكل مع الماء الكافي ونطحنوها وتشرب قبل الغداء والعشاء

شوربة لتصفية البشرة

ربع كرنب+شوية كرافس+1 هندباء+3جزرات+ملعقة ازير كنطيبوها كيف العادة وتشرب فالغداء والعشاء

هاد الوصفة مفيدة لتساقط الشعرو النقط السوداء ومشكل الافرازات الدهنية الحادة

شوربة لمعالجة مشكل للغدة الدرقية

رابعة قرعة حمراء+ملعقة شعير+2فصوص ثوم+2م زيت زنجلان حتى يطيب الكل فالماء الكافي تم نضيف زيت ونجلان +ملح البحر وتشرب في الغداء والعشاء

شوربة التهاب الامعاء
 أربع جزرات+تفاحة خضراء+2 معالق خروب مطحون.
 شوربة لتنقية الامعاء واوجاع المصران
2 م خروب مطحون+ملعقة  صغيرة ورد بلدي+تفاحة+ليتر إلا ربع ماء+قطعة دلاح إدا توفر رابعة تقريبا ، وماء معدني او مغلي يطحن وياخذ عصير في الفجر
شوربة لمشكل حرقة البول
3 شفرجلات أي سفرجل+3 من اللفت الابيض+ربطة معدنوس والماء الكافي وتطحن تاخذ في الغذاء و العشاء.

شوربة لتعزيز الكالسيوم بالجسم 

رابعة كرمب احمر+بروكولي +معدنوس+ملعقة زنجلان+ملعقة زريعة الكتان+ملح والماء الكافي وتطحن 

.شوربة تحد من العياء 

كاس دقيق الشعير وليتر ماء باش يطيب+معدنوس+بصلة محكوكة+ملعة نافع

  .شوربة للمعدة

 أربع جزرات+ملعقة صغيرة نافع+معدنوس+كرمب نص ربع منه+زريعة الكتان والماء باش يطيب+عرقسوس (عرقسوس ممنوع على مرضى السكري ). 

شوربة للكلى

3 لفت+معدنوس+الشيبة و الملح ولماء الكافي.

 عصير مطهر و منشط للكبد

2 ليتر ماء يطيب فربع كيلو تمر معجون+2 م زبيب اسود ونخليه يبرد عاد يطحن عاد +2 م زنجلان مطحون+3 اعواد القرنفل+ملعقة نافع.

انتظرونا في غدراج المزيد من الشوربات إن شاء الله